Раёсати Хадамоти давлатии назорат ва танзим дар соҳаи нақлиёт дар вилояти Суғд ҷиҳати ба тартибу низоми муайян даровардани фаъолияти воситаҳои нақлиёти мусофирбари истифодаи умум дар шаҳри Хуҷанд назоратро дучанд пурзӯр намуда, нисбати ронандагоне, ки ғайриқонунӣ ба мусофирбари машғул буданд, шарту талаботи иҷозатномаро риоя накарданд ва ҳамчунин дигар намуди қоидавайронкуниҳоро содир намуданд, протоколҳои ҳуқуқвайронкунии маъмурӣ тартиб дода ҷаримабандӣ карда шуданд.
Илова бар ин кормандони Раёсат бо роҳбарон ва ронандагони ширкату ҷамъиятҳои нақлиёти автомобилии ҳудуди шаҳри Хуҷанд вохуриҳо доир намуда, барои баланд бардоштани сатҳи хизматрасонӣ, муомилаи хуб бо мусофирон ва таъмини амнияти бехатарӣ корҳои фаҳмондадиҳӣ гузарониданд.
