Бо мақсади таъмини назорати пардохти роҳкиро дар нақлиётҳои мусофирбари автобус ва тролейбусҳои шаҳри Душанбе мутахассисони Хадамот дар якҷоягӣ бо намояндагони ҶДММ «Авесто гурӯҳ» ҳамарӯза дар ҳайати 5 гуруҳи корӣ корҳои нозиротӣ ва фаҳмондадиҳӣ гузаронида, нисбати он мусофирон ва ронандагоне, ки тартиби муқарраргардидаи пардохти электронии роҳкироро риоя намекунанд, тадбирҳои зарурӣ андешида мешаванд. Дар ин самт дар давоми семоҳаи якуми соли 2025 нисбати 1946 нафар мусофир ҷаримаи маъмурӣ татбиқ карда шуда, маблағҳо ба буҷети давлатӣ ворид гардиданд.
Ҳамчунин аз ширкати хизматрасонанда талабот карда шуд, ки ҷиҳати дастрас намудани кортҳои нақлиётӣ ба мусофирон корҳои таблиғотӣ гузаронида, дар баробари ин шумораи POS – терминалҳоро дар истгоҳои нақлиётӣ зиёд намоянд.
