Ҳамватанони азиз ва ҳамкорони гиромӣ!
Шуморо ба муносибати иди саиди Фитр самимона табрик гуфта, ба хонадони ҳар яки Шумо рӯзгори босаодат ва барои Ватани азизамон сулҳу суботи ҷовидона орзу менамоям.Дар моҳи мубораки Рамазон ва айёми иди саиди Фитр ҳар як фарди бедордил кӯшиш мекунад, ки амали хайре анҷом диҳад, дили ятимону маъюбонро шод гардонад, ба беморон ва оилаҳои камбизоату бесаробонмонда дасти кумак дароз намуда, соҳиби савоб гардад.Дар арафаи ид анҷом додани хайру садақот ва саховат кардан анъана ва суннати неке мебошад, ки мардуми мо ба он эътибори ҷиддӣ медиҳанд.Бо умеди ҳамеша пойдору устувор будани сулҳу оромӣ, суботи сиёсӣ ва ваҳдати миллӣ бори дигар фарорасии иди саиди Фитрро ба Шумо самимона табрик гуфта, имону эътиқоди комил, ризқу рӯзии фаровон ва хонаи обод орзу менамоям.
Иди саиди Фитр муборак!
Бо орзуҳои нек,
Сардори
Хадамоти давлатии назорат
ва танзим дар соҳаи нақлиёт
Қурбонзода Д.Қ.
