Дар доираи ташаббуси беҳдошти муҳити зист ва баҳри таъмини иҷрои Барқияи ҳукуматӣ, ҷиҳати ташкил намудани шанбегӣ ба истиқболи иди байналмилалии Наврӯз ва ободонии ҳудуд 15 марти соли 2025 кормандони Дастгоҳи марказии Хадамоти давлатии назорат ва танзим дар соҳаи нақлиёт шанбегӣ доир намуданд. Мақсад аз баргузории чорабинӣ на танҳо тоза кардани маҳал, балки фароҳам овардани шароити мусоид буд.
Кормандон чамъ омада, барои кор асбобу анҷоми заруриро гирифта, ба гуруҳҳо ташкил карда шуда буданд, ки корҳои гуногунро ба анҷом расонидан. Аз ҷумла: тоза кардани партовҳо, шинондани ниҳолҳо, ранг кардани деворҳо, кашонидани хошоку баргҳо, тоза кардани майдону пайраҳаҳои атрофи бино фаъолона иштирок намуда, барои ба вуҷуд овардани майдони тозаю обод диққати махсус дода шуд.
Қайд кардан ба мавридаст, ки рӯзи шанбегӣ на танҳо барои ободонии гирду атрофи бино, балки барои мустаҳкам намудани руҳияи коллектив дар байни коргарон низ имконият дод. Мо ифтихор дорем, ки дар фароҳам овардани муҳити бароҳат ва зебои корӣ саҳм мегузорем. Умедворем, ки чунин чорабиниҳо ба ҳукми анъана даромада, ба боз ҳам беҳтар шудани хизмати мо мусоидат мекунанд!
