Санаи 12 марти соли 2025 маҷлиси назоратии назди Сардори Хадамот бо кормандони дастгоҳи марказӣ ва Раёсати Хадамоти давлатии назорат ва танзим дар соҳаи нақлиёти минтақаи Бохтар таҳти роҳбарии Қурбонзода Д. Қ. баргузор гардид.
Дар маҷлис натиҷаи фаъолияти кормандони Раёсати Хадамот дар минтақаи Бохтар мавриди баррасӣ қарор дода шуда, аз ҷумла қайд гардида, ки сатҳу сифати хизматрасониҳои нақлиётӣ дар шаҳру ноҳияҳои минтақаи Бохтар, мушкилӣ ва камбудиҳои ҷойдоштаи минтақа ва муносибати кормандон нисбати иҷрои вазифаҳои вогузоргардида, танзими фаъолияти воситаҳои нақлиёт автомобилии мусофирбар ва боркаш, бахусус нақлиётҳои гаронвазну таксиҳо ва ҳамчунин иҷрои дастуру супоришҳои роҳбарияти Хадамот муфассал назари худро баён намуда, натиҷаи кори Раёсатро ғайриқаноатбахш ва нокифоя баҳогузорӣ кард. Вобаста ба тарзи корбарӣ, ҳуҷҷатгузорӣ ва қабулу супоридани ҳисоботҳои моҳона эродҳо гирифта шуда, қайд гардид, ки роҳбарият ва шахсони масъул шуъба ва бахшҳои Раёсат бемасъулиятӣ вахунункназарӣ зоҳир менамоянд.
Сипас, Сардори Хадамот натиҷаи санҷиши гузаронидашудаи гурӯҳи кориро мавриди баррасӣ ва таҳлили ҳамаҷониба қарор дода, ҳар як камбудию норасоиҳои ошкоршуда ва дар санад дарҷгардидаро дар самти татбиқи протоколҳои ҳуқуқвайронкунии маъмурӣ, ситонидани маблағи ҷаримаҳои басташуда, протоколҳои дарёфтнашуда, додани иҷозатнома ва иҷозати махсус, фарқияти шумора ва маблағи нишондодҳои ҳисоботҳои пешниҳодгардида бо нишондодҳои натиҷаи санҷиш дар алоҳидагӣ муҳокима кард.
Аз ҷониби Сардори Хадамот қатъӣ масъалагузорӣ карда шуд, ки ҳамаи камбудиҳои ҷойдошта дар муҳлати 1 моҳ бартараф карда шаванд ва минбаъд тибқи тартиби муқарраргардида доду гирифти протоколҳои ҳуқуқвайронкунии маъмуриро ба роҳ монда, гардиши онҳо ҷиддӣ назорат бурда шавад. Оиди маблағи ҷаримаҳое, ки то ҳол ситонида нашуданд ва ё аз Хадамоти иҷро беиҷро баргардонида шуданд, чораҷуӣ намуда, аз натиҷаи он бо далелҳои асоснок ба роҳбарияти Хадамот маълумот пешниҳод намоянд.
Дар фарҷом вобаста ба ислоҳи камбудиҳои болозикр дастуру супоришҳои мушаххас дода шуд.
