6-уми марти соли ҷорӣ тибқи нақшаи чорабиниҳо вобаста ба татбиқи Стратегияи давлатии муқовимат ба коррупсия вохӯрии судманди кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон Шамсиддинзода Н.Ш. – сарнозир ва Сайфиддинзода Н.С. – нозири Раёсати муқовимат бо коррупсия бо ҳайати роҳбарон ва кормандони дастгоҳи марказӣ ва воҳидҳои сохтории Хадамоти давлатии назорат ва танзим дар соҳаи нақлиёт баргузор гардид.
Дар вохӯрии мазкур Мудинзода С.М. Сардори Шуъбаи кадрҳо ва корҳои махсуси Хадамот зимни суханронии хеш изҳор дошт, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми худ ҳанӯз дар соли 2016 изҳор дошта буданд, ки “Мубориза бо коррупсия танҳо вазифаи мақомотҳои ҳифзи ҳуқуқ нест, балки вазифаи ҷонии тамоми қишрҳои ҷомеа маҳсуб меёбад”.
Инчунин, дар идомаи чорабинӣ, вобаста ба масъалаҳои нагаравидани ҷавонон ба ҳаргуна ҳизбу ҳаракатҳои тундгаро, бедор намудани ҳисси масъулияти ватандӯстӣ дар миёни онҳо тибқи Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” ба самъи иштирокдорони вохӯрии мазкур расонида шуд.
