Ба диққати ронандагони воситаҳои нақлиёти автомобилӣ расонида мешавад, ки тибқи фармоиши Вазорати нақлиёти Ҷумҳурии Тоҷикистон аз 3 декабри соли 2024 таҳти №181 ҳаракати воситаҳои нақлиёти автомобилӣ таввасути ағбаи Хобу Рубот дар роҳи автомобилгарди РБ03 “Лаби Ҷар–Сангвор–Дарвоз манъ карда мешавад.

Мутобиқи талаботи моддаи 51 Қонуни Ҷумҳурии Тоҷикистон “Дар бораи роҳҳои автомобилгард ва фаъолияти роҳдорӣ” , банди 8-и Низомномаи Вазорати нақлиёти Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 6 майи соли 2011, №250 тасдиқ шудааст ва мактуби МД “Идораи хоҷагии роҳҳои автомобилгард”-и ВМКБ аз 25 ноябри соли 2024, №8/19, бо мақсади татбиқи амалии чорабиниҳо ҷиҳати таъмини бехатарии ҳаракат дар роҳи автомобилгарди “Лаби Ҷар – Сангвор – Дарвоз” , Аз 9 декабри соли 2024 дар роҳи автомобилгарди РБ03 “Лаби Ҷар – Сангвор – Дарвоз” , қитъаи роҳи “Сағирдашт – Қалъаи Хумб” тавассути ағбаи Хобу Рубот, ҳаракати ҳамагуна воситаҳои нақлиёти автомобилӣ муваққатан манъ карда мешавад.Ҳаракати ҳамагуна воситаҳои нақлиёти автомобилӣ тавассути роҳи автомобилгарди РБ04 Душанбе – Кулма (тавассути Кӯлоб – Қалъи Хумб – Хоруғ – Мурғоб) ба роҳ монда мешавад.