Дар оғози кори ҷаласа Қурбонзода Д.Қ– Сардори Хадамот натиҷаи иҷрои нақшаи барои семоҳаи сеюми соли 2024 тасдиқшударо баррасӣ ва муҳокима намуда, нисбати раёсатҳое, ки иҷрои баъзе нишондиҳандаҳои нақшаро таъмин накарданд, эрод гирифта шуд. Ҳамзамон таҳлили иҷрои бақияи ҷаримаи протоколҳои маъмурии басташудаи солҳои 2022-2023-2024 гузаронида шуда, масъулин вазифадор гардиданд, ки то охири соли ҷорӣ иҷроиши маблағҳоро пурра таъмин намоянд.
Баъдан роҷеъ ба масъалаҳои назорат ва танзими фаъолияти воситаҳои нақлиёти мусофирбар ва боркаш, алалхусус нақлиётҳои гаронвазн, пешгирии фаъолияти воситаҳои нақлиёти ифлос ва бе пардаи ҳимоявӣ интиқол додани борҳои пошхуранда диққати кормандон ҷалб карда шуда, супоришҳои иловагӣ дода шуд.
Инчунин роҳбарон ва масъулони воҳидҳои сохтории Хадамот таъкид гардиданд, ки нисбати барномаи рақамикунонӣ, ҷолибтар гардонидани сомонаи расмии Хадамот ва таъмини нуқтаҳои баркашӣ бо хати алоқаи интернети баландсуръат ва пайвастшавии онҳо бо барномаи рақамӣ-электронӣ чораҳои иловагиро роҳандозӣ намоянд.
Воҳидҳои сохторӣ оиди зимистонгузаронӣ вазифадор гардиданд, ки дар МДНРА ва дигар субъектҳои хоҷагидории соҳаи нақлиёт мунтазам корҳои нозиротӣ гузаронида, ҳамзамон корҳои фаҳмондадиҳӣ ба роҳ монда шавад.
